آپ کو اور آپ کے Electroneum اکاؤنٹس کو محفوظ رکھنے میں مدد کرنے کیلئے بہترین طریقوں کی فہرست ذیل میں موجود ہے۔

سیکورٹی

ویب سائٹس اور ایپس

Electroneum کی فراہم کردہ آفیشل ویب سائٹس electroneum.com اور my.electroneum.com ہیں۔

صرف ہماری آفیشل ویب سائٹ electroneum.com پر موجود لنک کے ذریعے ایپ ڈاؤن لوڈ کریں، کبھی بھی Electroneum کیلئے تلاش کر کے ایپس ڈاؤن لوڈ نہ کریں نہ ہی ایسی ویب سائٹس ملاحظہ کریں جو Electroneum ہونے کا دعوی کرتی ہوں اور کبھی بھی ان ایپس یا ویب سائٹس میں اپنے اکاؤنٹ کی تفصیلات درج نہ کریں۔ یہ سائٹس جعلسازی پر مبنی سائٹس ہوتی ہیں جنہیں آپ کے اکاؤنٹ تک رسائی کرنے کیلئے آپ کی معلومات جمع کرنے کی خاطر استعمال کیا جاتا ہے ہم کبھی بھی آپ کو لاگ ان یا ایپ کا لنک ای میل نہیں کریں گے، ہم ہمیشہ آپ کو صرف electroneum.com یا my.electroneum.com پر بھیجیں گے۔

اپنا ای میل اکاؤنٹ محفوظ بنائیں

اپنے ای میل اکاؤنٹ کیلئے ایک طاقتور پاس ورڈ استعمال کرنا یقینی بنائیں اور اگر دستیاب ہو تو 2 عملی تصدیق (2FA) استعمال کریں جس میں اپنا ثانوی ای میل پتہ، PIN نمبر شامل کرنا، اجازت دہندگی کی ایپ جیسے کہ Google Authenticator وغیرہ سے منسلک کرنا شامل ہو سکتا ہے۔ یہ آپ کے اکاؤنٹ پر سیکورٹی کا ایک اور درجہ شامل کرتا ہے اور دیگر لوگوں کو آپ کے اکاؤنٹ تک بدنیتی سے رسائی کرنے سے روکنے میں مدد کرتا ہے۔ یقینی بنائیں کہ جس پاس ورڈ کو آپ اپنا ای میل اکاؤنٹ محفوظ بنانے کیلئے استعمال کر رہے ہیں وہ منفرد ہو اور آپ نے اسے کبھی بھی کہیں اور استعمال نہ کیا ہو (متعدد سائٹس پر ایک ہی پاس ورڈ استعمال کرنے کے بارے میں ذیل میں نوٹ دیکھیں)۔

اپنے Electroneum اکاؤنٹ کو محفوظ بنائیں

اپنا Electroneum اکاؤنٹ بناتے یا اس میں ترمیم کرتے ہوئے ہم آپ کے اکاؤنٹ کو محفوظ رکھنے میں مدد کرنے کی خاطر سیکورٹی معلومات کے متعدد درجات کا تقاضہ کرتے ہیں۔ آپ کو اس سے مرحلہ بہ مرحلہ گزارا جائے گا۔ یہ بہت ضروری ہے کہ اپنا اکاؤنٹ بناتے ہوئے یا اس میں ترمیم کرتے ہوئے آپ ایک طاقتور اور منفرد پاس ورڈ استعمال کریں جو آپ کہیں اور استعمال نہ کرتے ہوں۔ بہت سی ویب سائٹس اور سروس کے فراہم کنندگان ماضی میں ہیک ہو چکے ہیں اور صارف کی معلومات، جس میں آپ کی معلومات شامل ہو سکتی ہے، آن لائن شیئر ہو چکی ہے۔ اگر آپ وہی پاس ورڈ استعمال کرتے ہیں جو آپ نے انہی اکاؤنٹس پر استعمال کیا تھا تو لوگ اس لیک شدہ معلومات کے ذریعے آپ کے اکاؤنٹ تک رسائی کر سکتے ہیں۔


آف لائن بٹوہ

آف لائن بٹوہ کیا ہے؟

آف لائن بٹوہ اپنی ایپ/ویب سائٹ کے بٹوے میں اپنے سکے محفوظ کرنے کا ایک مزید محفوظ متبادل ہے۔ تمام Electroneum بٹوے 3 ریاضی پر مبنی مربوط کلیدوں پر مشتمل ہوتے ہیں جنہیں عوامی کلید کہا جاتا ہے، ذاتی ملاحظے کی کلید اور ذاتی خرچ کی کلید کہا جاتا ہے۔ ایک اندازاً موازنے کے طور پر، آپ عوامی کلید کو اپنا بینک اکاؤںٹ نمبر سمجھ سکتے ہیں (یہ آپ کے ETN بٹوے کا پتہ ہے جسے لوگ آپ کو رقم بھیجنے کیلئے استعمال کر سکتے ہیں)، ذاتی ملاحظے کی کلید آپ کو اپنا بینک بیلنس دیکھنے کی قابلیت دیتی ہے مگر کچھ خرچ کرنے کی نہیں اور ذاتی خرچ کی کلید کو آپ اپنے بینک کا PIN کوڈ سمجھ سکتے ہیں کیونکہ یہ کلید کے مالک کو اکاؤنٹ میں موجود رقم (ETN!) خرچ کرنے کی اجازت دیتا ہے۔

ہر کلید کا ایک مخصوص مقصد ہے:

  • عوامی کلید (یا بٹوے کا پتہ) آپ کے بٹوے میں ETN ڈپازٹ کرتے ہوئے استعمال کی جاتی ہے، یہ کلید عوامی طور پر کسی کو بھی دی جا سکتی ہے جو آپ کو ETN میں ادائیگی کرنا چاہتا ہو اور اس سے آپ کے بٹوے کو کوئی خطرہ نہیں ہوتا۔
  • عوامی ملاحظے کی کلید آپ کے بٹوے کا بیلنس دیکھنے کیلئے استعمال ہوتی ہے لیکن آپ کی ETN خرچ کرنے کیلئے نہیں۔ اس کلید کو اپنے پاس ذاتی طور پر رکھنا چاہیئے۔
  • ذاتی خرچ کی کلید کو آپ کے بٹوے میں موجود ETN خرچ کرنے کیلئے استعمال کیا جاتا ہے۔ اگر کوئی اور اس کلید تک رسائی حاصل کر لیتا ہے تو آپ کی تمام ETN حاصل کر سکتا ہے لہذا اسی ذاتی طور پر رکھنا چاہیئے، صرف آپ کو ہی معلوم ہونا چاہیئے کہ یہ کلید کیا ہے۔ اگر کوئی بھی ایپ، ویب سائٹ، کمپنی یا شخص وغیرہ آپ سے یہ مانگے تو سمجھ لیں کہ یہ دھوکہ دہی ہے اور انہیں یہ ہرگز نہ دیں۔ آف لائن بٹوہ صرف آفیشل Electroneum ایپ کے ساتھ درآمد کریں اور براہ کرم ذیل میں 'اپنا آف لائن بٹوہ استعمال کرنا' نوٹ دیکھیں۔

یہ کلیدیں آپ کے بٹوے کو تشکیل دیتی ہیں اور جن کے پاس بھی اس تک رسائی ہو ان کے پاس آپ کے بٹوے اور آپ کی ETN پر کنٹرول ہو گا۔

آپ کے Electroneum آن لائن بٹوے یا (ویب بٹوے یا ایپ بٹوے) تک آفیشل Electroneum ایپ یا my.electroneum.com کے ذریعے رسائی کی جانی چاہیئے۔ اس طرح ہم آپ کی جانب سے آپ کی ذاتی کلیدوں کا خیال رکھ سکتے ہیں تاکہ آپ کے Electroneum سکوں (ETN) تک آپ کی رسائی آسان بنائی جا سکے۔

آف لائن بٹوہ ایک ایسا بٹوہ ہے جسے کلیدوں کے بغیر جنریٹ کیا گیا ہو اور جو کہ انٹرنیٹ پر کہیں بھی محفوظ ہو (اسی لیے آف لائن کہا جاتا ہے)۔ حتی کہ آپ آف لائن بٹوے کے سافٹ ویئر کو کمپیوٹر یا لیپ ٹاپ پر usb اسٹک سے بھی چلا سکتے ہیں جو انٹرنیٹ سے منسلک نہ ہو۔

آف لائن بٹوہ کیوں استعمال کیا جائے؟

اگر کسی کے پاس بھی آپ کی کلیدوں تک رسائی ہو تو اس کے پاس آپ کے بٹوے پر کنٹرول ہوتا ہے لہذا اپنے سکوں کو محفوظ کرنے کا سب سے خطرے سے پاک طریقہ استعمال کرنا نہایت اہم ہے۔ بالآخر انٹرنیٹ سے منسلک ہر سسٹم ممکنہ طور پر ہیک ہونے کے خطرے کا شکار ہوتا ہے۔ ہم آپ کی کلیدوں کو محفوظ رکھنے کیلئے حفاظتی تدابیر اختیار کرتے ہیں (جیسے کہ انہیں مرموز رکھنا) مگر پھر بھی ویب پر مبنی سروس کے ہیک ہونے کا خظرہ آف لائن بٹوے کے مقالے میں کہیں زیادہ ہوتا ہے جو کہ انٹرنیٹ سے منسلک نہ ہو۔ اس کے ساتھ ساتھ ان باتوں کو بھی ملحوظ خاطر رکھیں؛ کاغذ کے ایک ٹکڑے پر پرنٹ شدہ آپ کا ذاتی آف لائن بٹوہ ہزاروں بٹووں کے ایک مرکزی سسٹم کے مقابلے میں ممکنہ ہیکر/چور کو بے حد کم لبھائے گا۔ Electroneum آپ کے ویب سائٹ/ایپ اکاؤنٹس اور ETN کی حفاظت کو یقینی بنانے کیلئے پُرعزم ہے تاہم ہم تجویز کرتے ہیں کہ سیکورٹی کو بڑھانے کیلئے آپ آف لائن بٹوہ استعمال کریں۔

آف لائن بٹوہ بنانے کا طریقہ کیا ہے؟

آف لائن بٹوہ بنانے کیلئے، مندرجہ ذیل مراحل پر عمل کریں:

  1. downloads.electroneum.com پر جائیں۔
  2. 'آف لائن بٹوے کا جنریٹر' ہیڈر کے تحت موجود براؤزر ورژن پر کلک کریں۔ اضافی سیکورٹی کیلئے، دایاں کلک کریں اور 'ونڈو کو انکوگنیٹو موڈ میں کھولیں' منتخب کریں (آپ جنریٹر کو ZIP ڈاؤن لوڈ کریں پر کلک کر کے اپنے کمپیوٹر پر بھی ڈاؤن لوڈ کر سکتے ہیں۔
  3. ہدایات کو بغور پڑھیں اور پھر 'آئیں شروع کرتے ہیں' پر کلک کریں۔
  4. اپنے بٹوے میں بے شمار بے ترتیبی شامل کرنے کیلئے اسکرین پر اپنے ماؤس کو تب تک لہرائین جب تک کہ ذیل میں موجود 'بے ترتیبی' کی بار بھر نہ جائے۔
  5. آپ کا بٹوہ اب ڈاؤن لوڈ کیلئے تیار ہے۔ 'بٹوے کو PDF کے بطور ڈاؤن لوڈ کریں' پر کلک کریں اور اپنا PDF بٹوہ محفوظ کرنے کیلئے مقام کا انتخاب کریں۔
  6. ڈاؤن لوڈ ہونے کے بعد آپ PDF کھول کر اسے پرنٹ کر سکتے ہیں۔

اپنے آف لائن بٹوے کو مٖحفوظ بنانا

یاد رکھیں کہ اگرچہ آف لائن بٹوہ اپنی ETN محفوظ کرنے کا ایک زیادہ خطرے سے پاک طریقہ ہے، اگر کوئی بھی شخص ان کلیدوں تک رسائی حاصل کر لیتا ہے تو اسے آپ کے بٹوے پر مکمل کنٹرول حاصل ہو گا لہذا پرنٹ آؤٹ کو ہمیشہ حفاظت سے رکھیں۔ بیک اپس بنانے کو بھی ملحوظ خاطر رکھیں کیونکہ اگر آپ کا پرنٹ آؤٹ مثال کے طور پر گم ہو جائے یا پانی سے خراب ہو جائے یا گھر کی آگ میں جل جائے تو آپ ہمیشہ کیلئے اپنے بٹوے سے محروم ہو جائیں گے۔ آپ کسی USB اسٹک پر بھی کسی مھفوظ جگہ ایک یا دو ڈیجیٹل نقول رکھنے پر غور کر سکتے ہیں (بس PDF فائل کو مٖحفوظ رکھیں)۔ اگر آپ زیادہ تجربہ کار ہیں تو آپ اپنے منتخب کردہ مرموز کاری کے سافٹ ویئر کے ذریعے PDF فائل کو اضافی سیکورٹی کیلئے مرموز بھی کر سکتے ہیں۔ بس یہ یاد رکھیں کہ اگر آپ ذاتی کلیدوں تک رسائی کھو بیٹھتے ہیں تو آپ کی ETN بھی کھو جائے گی اور اسے کوئی بھی کبھی بحال نہیں کر پائے گا۔

اپنا آف لائن بٹوہ استعمال کرنا

یہ بھی تجویز کیا جاتا ہے کہ اضافی سیکورٹی کیلئے جب آپ آف لائن بٹوے سے ETN درآمد کر لیں (اس کیلئے آپ کو ذاتی کلیدیں استعمال کرنے کی ضرورت ہو گی چاہے ہماری ایپ میں یا پھر CLI آلات میں) تو پورا بیلنس منتقل کریں (ہماری ایپ یہ خود کار طور پر کرتی ہے) اور پھر ایک اور آف لائن بٹوہ بنائیں جسے پہلے کبھی استعمال نہ کیا گیا ہو اور کسی بھی اضافی ETN کو جسے کہ آپ محفوظ کرنا چاہتے ہوں، اس نئے آف لائن بٹوے میں منتقل کر دیں۔ اگر آپ کا ETN بیلنس بہت بڑا ہو تو شاید آپ متعدد آف لائن بٹوے استعمال کرنا چاہیں (یاد رکھیں کہ آپ جتنے چاہیں اتنے بٹوے بنا سکتے ہیں اور اس کی کوئی لاگت بھی نہیں ہے سوائے ETN کو ایک بٹوے سے دوسرے میں منتقل کرنے کیلئے ایک معمولی منتقلی کی فیس کے)۔


سسٹم کے تقاضے

my.electroneum.com اور آف لائن بٹوہ

Google Chrome ورژن 60 یا اس سے جدید

Android ایپ

Android ورژن 4.4 یا اس سے جدید

iOS ایپ

iOS 9.0 یا اس سے جدید